Լոնդոնի Թագավորական օպերան պահանջում է ազատ արձակել Վրաստանում դատապարտված Պաատա Բուրչուլաձեին
Լոնդոնի Թագավորական օպերան Մեծ Բրիտանիայի վարչապետ Քիր Սթարմերին կոչ է արել միջամտել վրացի հանրահայտ բաս Պաատա Բուրչուլաձեի գործին։ 71-ամյա երգիչը, որը ելույթներ է ունեցել աշխարհի առաջատար բեմերում, Վրաստանում ձերբակալվել էր հոկտեմբերին՝ Թբիլիսիում հակակառավարական բողոքի ակցիային մասնակցելուց հետո։ Անցած շաբաթ դատարանը նրան դատապարտել է յոթ տարվա ազատազրկման՝ իշխանությունը բռնի կերպով տապալելու փորձի մեղադրանքով։ Գործը միջազգային արձագանք է առաջացրել, քանի որ խոսքը վերաբերում է թե՛ մշակութային ճանաչված դեմքի, թե՛ Վրաստանում ժողովրդավարական ազատությունների վիճակին։