Հութիները հայտարարել են Ռիյադի ուղղությամբ հրթիռային հարվածի մասին
Եմենի հութի ապստամբները հայտարարել են, թե անօդաչու թռչող սարքերով և բալիստիկ հրթիռներով հարվածել են Սաուդյան Արաբիայի մայրաքաղաք Ռիյադին, ինչպես նաև երկրի Կարմիր ծովի ափին գտնվող էներգետիկ օբյեկտներին։ Սաուդյան իշխանությունները հայտնել են, որ մերժել և ոչնչացրել են Ռիյադի ուղղությամբ արձակված մեկ բալիստիկ հրթիռ։ Հարվածների հետևանքով մայրաքաղաքի օդանավակայանի մոտ ծուխ է բարձրացել, իսկ թռիչքները ժամանակավորապես խափանվել են։