Նյուքեյի նավահանգիստը ծածկվել է հսկայական սարդախեցգետիններով
Անգլիայի Քորնուոլի Նյուքեյ նավահանգստում ձկնորս Դենիել Գիլբերտը առավոտյան դուրս գալիս իր նավով ականատես է եղել հազվադեպ ու արտասովոր տեսարանի․ նավահանգստի հատակը պատված է եղել հազարավոր հսկայական սարդախեցգետիններով։ Տեսարանը կրկնվել է ամռան այս շրջանում, երբ խեցգետինները մաշկափոխության փուլում են և կարճ ժամանակով դառնում են շատ փափուկ ու խոցելի։ Մասնագետների խոսքով՝ այս կենդանիները վտանգ չեն ներկայացնում մարդկանց համար, իսկ դրանց քանակի աճը կարող է կապված լինել ծովի տաքացման հետ։