Բրյանսկի մարզում ռմբակոծությունից հետո փլուզվել է երկաթուղային կամուրջը
Ռուսաստանի Բրյանսկի մարզում հարձակման հետևանքով փլուզվել է երկաթուղային կամուրջը, և շարժվող գնացքի մի քանի վագոն դուրս են եկել ռելսերից։ Տեղական իշխանությունների տվյալներով՝ միջադեպը տեղի է ունեցել Դյատկովո-Լյուդինովո հատվածում, իսկ Ունեչսկի և Նավլինսկի շրջաններում ևս արձանագրվել են երկաթուղային ենթակառուցվածքի վնասումներ։ Նախնական տեղեկություններով՝ տուժածներ չկան, իսկ դեպքի վայրերը զննելուց հետո նախատեսվում են վերականգնողական աշխատանքներ։